ତିର୍ତ୍ତୋଲ ::- ଦୀପଂ ଜ୍ୟୋତି ପରଂବ୍ରହ୍ମ, ଦୀପଂ ଜ୍ୟୋତି ସନାତନ, ଦୀପଂ ଜ୍ୟୋତି ହରମେ ପାପଂ, ସଂଧ୍ୟା ଦୀପଂ ନମଃସ୍ତୁତେ ! ଅଗଣିତ ବ୍ୟକ୍ତି ମାନଙ୍କୁ ଆଲୋକର ପର୍ବ ଦୀପାବଳୀର ସୁଭେତ୍ସା ! ଆଜି ପ୍ରତିଟି ହୃଦୟରେ ଦୀପାବଳୀ ଅଫୁରନ୍ତ ଆନନ୍ଦ ନେଇ ଆସିଛି ! ଗାଆଁ ଠାରୁ ସହର ସମସ୍ତଙ୍କ ପାଇଁ ଦୀପାବଳି ର ବାଣ ଫୁଟେଇବା ମଜା ସବୁଠୁ ନିଆରା ! ଗାଆଁ ରେ କାଉଁରିଆ କାଠି ଜଳେଇ ବଡ଼ବଡ଼ୁଆ ଡାକକୁ ବାଣ ଫୁଟା, ଓଃ କି ମଜା ଭରିଦିଏ ସତେ !
ଏହି ବଡ଼ବଡ଼ୁଆ ଡାକିବାକୁ କିଛି ଆବଶ୍ୟକ ପଦାର୍ଥ ଯଥା କଣ୍ଟି ଫୁଲ, କକଉଆ ଫୁଲ, ଶୁଆନଇ ଫୁଲ, ବାଳୁଙ୍ଗା ଫୁଲ, କାଉଁରିଆ କାଠି ଇତ୍ୟାଦି ଯୋଗାଡ କରାଯାଇ ଥାଏ ! ତାପରେ ମଝି ଦୁଆରେ ଗୋବରରେ ଲିପା ଯାଇ ନାନା ଜାତିର ଫୁଲ ସହିତ ସଜା ଯାଇ ଧୂପ ଦୀପ ନୈବେଦ୍ୟ ସମୂହ ସମର୍ପଣ କରାଯାଏ ! କାଉଁରିଆ କାଠି ସାହାଯ୍ୟରେ ଅଗ୍ନୀ ସଂଯୋଗ କରି ବଡବଦିଆଙ୍କୁ ଆହ୍ୱାନ କରି କହିଥାନ୍ତି ବଡ଼ବଡ଼ୁଆ ହୋ ଅନ୍ଧାରରେ ଆସ, ଆଲୁଅରେ ଯାଅ, ଗଙ୍ଗା ଯାଅ ଗୟା ଯାଅ, ଶ୍ରୀପୁରୁଷୋତ୍ତମ ଯାଇ ବାଇଶି ପାହାଚେ ଗଡ଼ଗଡଉ ଥାଅ ! ସାତବାର ଏହିପରି କହିସାରିଲା ପରେ କାଉଁରିଆ କାଠିରେ ତିଆରି ହୋଇଥିବା କାଣ୍ଡରେ ଅଗ୍ନି ଲଗାଇ ବଡ଼ବଡୁଆଙ୍କ ନାମରେ ଚତୁଃର୍ଦିଗକୁ ଫିଙ୍ଗା ଯାଇଥାଏ ! ଏହି ବିଧିକୁ ମଉଳାଦିଆ ମଧ୍ୟ କହିଥାନ୍ତି !ଏହି ଦିନ ଶ୍ୟାମା କାଳୀପୂଜା ମଧ୍ୟ ଅନୁଷ୍ଠିତ ହୁଏ ! ମା’ କାଳୀ ଙ୍କର ଷୋଡଶ ଉପଚାର ପୂଜା, ଚଉଷଠି ଯୋଗିନୀ ପୂଜା ଆଦି ଯଥା ରୀତିନୀତି ରେ ଅନୁଷ୍ଠିତ ହୁଏ ! ଜଗତସିଂହପୁର ଜିଲ୍ଲାର ପ୍ରତି ପୁରପଲ୍ଲୀରେ ବଡ଼ବଡ଼ୁଆ ହୋ ଡାକ ଓ ହୁଳହୁଳି ଶବ୍ଦରେ ଗାଁ ଦାଣ୍ଡ ଘର ଅଗଣା ଉଛୁଳି ଉଠିଛି ! ସରକାରଙ୍କ କଟକଣା ଥିଲେ ବି ବିଭିନ୍ନ ବାଣରେ ଦୀପାବଳୀର ଭରପୁର ଆନନ୍ଦ ନେଇଛନ୍ତି ସମସ୍ତେ ! ଓଡ଼ିଶାର ପାର୍ବପର୍ବାଣି ମଧ୍ୟରୁ ଏହା ପ୍ରମୁଖ ପୂଜାପର୍ବ ହୋଇଥିବାରୁ ଏହା ସର୍ବତ୍ର ପାଳନ କରାଯାଇ ଥିବାର ଜଣାପଡିଛି !
ଜଗତସିଂହପୁର ରୁ ଭାଗବତ ପ୍ରସାଦଙ୍କ ରିପୋର୍ଟ ସମର୍ଥ ନ୍ୟୁଜ ଓଡିଶା !
