ବୌଦ୍ଧ ଜିଲ୍ଲା କଣ୍ଟାମାଳ ବନ କାର୍ଯ୍ୟାଳୟ ପରିସରରେ ବନ ବିଭାଗ ପକ୍ଷରୁ ଚାଷୀଙ୍କୁ ମହୁ ଚାଷ ନେଇ ତାଲିମ ପ୍ରଦାନ କରାଯାଇଛି l ଆର୍ଥିକ ଉନ୍ନତି ପାଇଁ କଣ୍ଟାମାଳ ଅଞ୍ଚଳର ଚାଷୀମାନଙ୍କୁ ସ୍ୱାବଲମ୍ବୀ ହେବା ସହ ଆର୍ଥିକ ଉନ୍ନତି ପାଇଁ ଚାଷୀମାନଙ୍କୁ ବନ ବିଭାଗ ଦ୍ୱାରା ତାଲିମ ସହ ମହୁବାକ୍ସ ବଣ୍ଟନ କରାଯାଇଛି l ଓଡିଶା ବନାଞ୍ଚଳ ଉନ୍ନୟନ ପ୍ରକଳ୍ପ ଦ୍ୱାରା ଓଡିଶା ଖଦି ଓ ଗ୍ରାମଦ୍ୟୋଗ ବୋର୍ଡ ସହାୟତାରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଛି l କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ବନଖଣ୍ଡ ଅଧିକାରୀ ଦେବପ୍ରୀୟ କମ୍ପ ଯୋଗଦେଇ କଣ୍ଟାମାଳ ବନ ସୁରକ୍ଷା ସମିତିର ୩୦ଜଣ ଚାଷୀଙ୍କୁ ମହୁବାକ୍ସ ପ୍ରଦାନ କରିଥିଲେ l କାର୍ଯ୍ୟକ୍ରମରେ ଏସିଏଫ୍ ମୀନାକ୍ଷି କୁମରା, ଏସିଏଫ ତଥା ଭାରପ୍ରାପ୍ତ ବନାଞ୍ଚଳ ଅଧିକାରୀ କ୍ଷୀରାବ୍ଧି ପ୍ରଧାନ, ଖଦି ଓ ଗ୍ରାମଦ୍ୟୋଗ ବୋର୍ଡ ଅଧିକାରୀ ଈଶ୍ୱର ପରିଡା ପ୍ରମୁଖ ଯୋଗଦେଇ ଚାଷୀମାନଙ୍କୁ ମହୁଚାଷ ଓ ବ୍ୟବସାୟ ସମ୍ପର୍କିତ ଜ୍ଞାନ କୌଶଳ ଉପରେ ବକ୍ତବ୍ଯ ରଖିଥିଲେ। ଫରେଷ୍ଟର ଚନ୍ଦ୍ରଶେଖର ଦାସ ଧନ୍ୟବାଦ ଦେଇଥିବା ସ୍ଥଳେ ସମସ୍ତ ବନ କର୍ମଚାରୀ ସହଯୋଗ କରିଥିଲେ।
କଣ୍ଟାମାଳରୁ ପ୍ରଭାତ କୁମାର ସାହୁଙ୍କ ରିପୋର୍ଟ ସମର୍ଥ ନିୟୁଜ
