ତିର୍ତ୍ତୋଲ ::-ଜଗତସିଂହପୁର ଜିଲ୍ଲାର, ସେବା, ସଂସ୍କାର, ବୃକ୍ଷରୋପଣ, ରକ୍ତଦାନ ଓ ସମାଜସେବା ଆଦି କ୍ଷେତ୍ରରେ ସୁନାମ ଅର୍ଜ୍ଜନ କରିଥିବା, ତିର୍ତ୍ତୋଲ ବ୍ଲକ, ଗରାମ ପଞ୍ଚାୟତ ଅଧିନ ରସବେରୁଁଆ ଗ୍ରାମ ସ୍ଥିତ ଗାଲେଶ୍ୱର ମହାଦେବ ମନ୍ଦିର ପାର୍ଶ୍ୱରେ, ପବିତ୍ର ଅଳା ନବମି ଦିନ ଶ୍ରୀରାମ ସେବା ସଂଗଠନ ର ଷଷ୍ଠ ବାର୍ଷିକ ଉତ୍ସବ ଓ ସମ୍ବର୍ଦ୍ଧନା ସମାରୋହ ଆନନ୍ଦ ଉଲ୍ଲାସ ମଧ୍ୟରେ ଅନୁଷ୍ଠିତ ହୋଇ ଯାଇଛି l ସଂଗଠନ ର ସଭାପତି ତଥା ବିଶିଷ୍ଟ ସମାଜସେବୀ ଦେବେନ୍ଦ୍ର କୁମାର ନାୟକ ଓ ଉପସଭାପତି ପ୍ରଦ୍ୟୁମ୍ନ ରଥ ଙ୍କ ପ୍ରତ୍ୟକ୍ଷ ତତ୍ୱାବଧାନ ରେ ଆୟୋଜିତ ଏହି କାର୍ଯ୍ୟକ୍ରମ ରେ ପ୍ରାକ୍ତନ ଶିକ୍ଷକ ଦିଗାମ୍ବର ରାଉତ ମଞ୍ଚ ପରିଚାଳନା କରିଥିଲେ ! ମୁଖ୍ୟ ଅତିଥି ଭାବେ ଡଃ. ପ୍ରଶାନ୍ତ କୁମାର ଦାଶ, ମୁଖ୍ୟବକ୍ତା ଝଙ୍କଡ଼ ସାହିତ୍ୟ ସଂସଦ ର ପ୍ରତିଷ୍ଠାତା ସମ୍ପାଦକ ଗୋଲକ ବିହାରୀ ପଲାଇ ଓ ସମ୍ମାନିତ ଅତିଥିଭାବେ ବିଶିଷ୍ଟ ପାଲାଗାୟକ ପଣ୍ଡିତ ପ୍ରବୋଧ କୁମାର ରଥ ସ୍ୱାଗତ ଭାଷଣ ଦେଇଥିବା ବେଳେ, କେଦାର କିଶୋର ରାଉତ ସମ୍ପାଦକୀୟ ବିବରଣୀ ପାଠ କରିଥିଲେ ! ଅନ୍ୟମାନଙ୍କ ମଧ୍ୟରେ ସୁଶ୍ରୀ ସାହିତ୍ୟ ସଂସଦ ର ପ୍ରତିଷ୍ଠାତା ଡଃ.ବସନ୍ତ ମଞ୍ଜରୀ ଦାସ, ପ୍ରାକ୍ତନ ଶିକ୍ଷଜ ଶରତ ଚନ୍ଦ୍ର ତାରିଣୀଆ, ବିଶିଷ୍ଟ ଜ୍ୟୋତିର୍ବିତ ଡଃ. ଅରୁଣ କୁମାର ପାଣି, ଓ ପଣ୍ଡିତ ରବିନାରାୟଣ ପଣ୍ଡା. ପ୍ରମୁଖ ସମ୍ମାନିତ ଅତିଥିଭାବେ ଯୋଗ ଦେଇ, ସେବା ଧର୍ମ ର ମହତ୍ୱ ଓ ବିଶେଷତ୍ୱ ଉପରେ ନିଜ ନିଜର ବକ୍ତବ୍ୟ ଉପସ୍ଥାପନ କରିଥିଲେ ! ଏହି ଅବସରରେ, ଜଗନ୍ନାଥପୁର ଅବସରପ୍ରାପ୍ତ କର୍ମଚାରୀ ସଙ୍ଘ, ଶ୍ରୀ କ୍ଷେତ୍ର ପୁରୀ ର ପତିତପାବନ ସେବାସଙ୍ଘ, ଭୁବନେଶ୍ୱର ଭିୟୁ ଫାଉଣ୍ଡେସନ, ଆଠଗଡ଼ ର ଜଷ୍ଟ ଫର ଇଉ ସେବାସଙ୍ଘ, ମୁକ୍ତିରାମ ଚାରିଟେବଲ ଟ୍ରଷ୍ଟ, ସମାଜସେବୀ ଧୁନଚନ୍ଦ୍ର ସେନାପତି, ବାଲିକୁଦା ଜୟ ଜଗନ୍ନାଥ ସେବା ସଙ୍ଘ ଆଦିର କର୍ମକର୍ତ୍ତା ମାନଙ୍କ ସମେତ ଶିଶୁ ଓଡିଶୀ ନୃତ୍ୟଶିଳ୍ପୀ ଆଦ୍ୟାଶା ପାଳ ଓ ପୁଷ୍ପା ଗ୍ରାଫିକ ର ପ୍ରତିଷ୍ଠାତା ପୁଷ୍ପାଞ୍ଜଳି ଛୋଟରାୟ ପ୍ରମୁଖ ଙ୍କୁ ନିମନ୍ତ୍ରିତ ଅତିଥି ମାନଙ୍କ ଦ୍ୱାରା ଉତ୍ତରୀୟ, ପୁଷ୍ପଗୁଚ୍ଛ ଓ ମାନପତ୍ର ପ୍ରଦାନ କରାଯାଇ ସମ୍ମାନିତ ଓ ସମ୍ବର୍ଦ୍ଧିତ କରା ଯାଇଥିଲା l ସନ୍ଧ୍ୟା ସମୟରେ ନୃତ୍ୟ ସଂଗୀତ ଆଦି ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିବା ବେଳେ ସ୍ଥାନୀୟ ଅଂଚଳର ବହୁ ବିଶିଷ୍ଟ ମାନ୍ୟଗଣ୍ୟ ବ୍ୟକ୍ତି ଓ ଗ୍ରାମବାସୀ ମାନେ ଉପସ୍ଥିତ ରହି କାର୍ଯ୍ୟକ୍ରମ ରେ ସାମିଲ ହୋଇଥିବାର ଦେଖିବାକୁ ମିଳିଥିଲା !!
ଜଗତସିଂହପୁର ରୁ ଭାଗବତ ପ୍ରସାଦଙ୍କ ରିପୋର୍ଟ ସମର୍ଥ ସମାଚାର !!
